مع زيادات جديدة لا يتحملها المصريون، يتفاعل ناشطون مع هاشتاج "مصاريف المدارس" بعدما رفعت وزارة التربية والتعليم بحكومة الانقلاب مصروفات المدارس الحكومية في جميع المراحل التعليمية بمبالغ كبيرة ما يزيد من عبء الأسر خاصة مع ارتفاع الأسعار ورفع الدعم عن الطاقة والكهرباء.
وكانت مصروفات المراحل التعليمية كالتالي؛ 305 جنيه من رياض الأطفال حتى الخامس الابتدائي، و205 جنيه من السادس الابتدائي حتى الثالث الإعدادي، و520 جنيه للصف الأول الثانوي العام، و505 جنيه من ثانية ثانوي حتى ثالثة ثانوي العام، و220 جنيه للصف الأول الثانوي الفني بكافة أنواعه، و205 جنيه باقي التعليم الثانوي الفني.
انا من الشعب ده حضرتك انا من الطبقه المفروض متوسطه بصرف شهريا لا يقل عن ١١ ألف جنيه بدون رفاهيات
غير مصاريف المدارس
هل ده يعقل ؟— Hosny (@AhmedHo22031308) September 11, 2022
أسباب خاصة
وتحدثت منصة "بوابة الهمم" (@Yalla5G) لمعاقين عن أسباب خاصة قد تمنع من سداد المصاريف الدراسية سواء فى المدارس الحكومية أو الخاصة سواء لوفاة العائل أو مرضه أو تركه عمله ناهيك عن الملابس للشتاء والدراسة والكتب الخارجية والشنطة وخلافه".
وقال حساب "اللهم لك الحمد والشكر" (@redrose1973): "دة كده على مستوى الكتب.. مع دخلة المدارس الكراسات والكشاكيل نار التعليم بقي فعليا لمن استطاع إليه سبيلا.. من حيث مصاريف المدارس للمستلزمات للمواصلات ومش هاتكلم عن الدروس الخصوصية".
تفتكر كام أب وأم لا يملكون مصاريف دخول المدارس؟
تفتكر كام أب وأم لا يملكون غذاء يطعمون صغارهم؟
تفتكر كام أب وأم لا يملكون الايجار والكهرباء والغاز والماية؟
يا حكومة حسى بالناس ..— مجدي شعبان (@magdyshabaan99) September 10, 2022
مصاريف مرتفعة
وأضافت آية (@Aya_Abouzeiid)، "بمناسبة مصاريف المدارس اللي بدأت تنتشر.. مصاريف المدارس في مصر مش بتعبر عن جودة التعليم نهائي.. هي بتعبر عن عيالك هيبقوا مع ولاد مين في الفصل.. المدارس عاملة زي قرى الساحل بالظبط تصنيف اجتماعي ليس الا".
وعلق جهاد ياسين (@GehadAsem)، "دلوقتي حتى المدارس الحكومية بتاخد مصاريف عالية ، ابني في أولى ثانوي علشان يقبلوا الورق بتاعه في المدرسة اللي قدمتله فيها دفعت ٥٠٠ جنيه في غير الدمغات ولسة كمان فاضل مصاريف تأمين التاب والامتحانات وده غير الدروس الخصوصية والكتب الخارجية".
وكتب عادل قطب (@EWgwwy)، "بصراحة بتبقى زنقة مع مصاريف المدارس والجامعة طحنة جامدة تحتاج قرض من البنك الدولى ونجدول".
وغردت دعاء (@dodo1985428)، "بيسالوا خبير تربوى في الراديو عن كيفية توفير مصاريف التلاميذ في المدارس ورفعها عن كاهل الآباء قال لهم يعملوا للعيال سندوتشات من بقايا وجبة الغداء.. يعنى ايه من بقايا الغدا ؟؟.. يعنى تعمل لهم سندوتش ملوخيه او نص رغيف مخلل !!؟".
المدارس في مصر انك تحجز لابنك مكان يقعد عليه و حمام نضيف غير كده كل المدارس الي في مصر كلها كلها كلها كلها زباله مصاريف كتير و مفيش جودة https://t.co/GVDTjsStnM
— Abollo (@Abollo13) September 13, 2022
وكتب المغترب أحمد (@ahmed40579817)، عن نفقات يتحملها لأبنائه خلال العام قائلا: "والله عندك حق أنا كنت ببعت لاولاديمصاريف المدارس عايز أقول لحضرتك السنه دي تلات أضعاف بالظبط من ٢٠ ألف ورحمة أمي لـ ٥٥ ألف السنة دي للواحد منهم".
وأضاف إليه أبو سارة (@AwadAbdouh)، "سيدي لن أتوقف عن الإرسال لكم فنحن نعيش الضنك والفاقة معا، والله إنني لأخجل من قارئي هذه الأحرف فماء الوجه بدأ يسقط إما ترحمونا سيدي أو تقفوا معنا وتساندونا.. #مصاريف_المدارس.. #ايجار_البيت.. #طعام_الابناء.. ".
وكتبت أميرة (@amira_elmesalhy) ، "كلهم كده عندهم جشع إلا من رحم ربي.. وأنا بعاني والله من دروس المدارس وكورسات الكليات ده غير مصاريف الكلية والمدرسه الله المستعان".
لبس المدارس
مصاريف المدارس والدروس
الكتب الخارجية
الهدوم الشتوى
تليفون لكل عيل علشان الأون لاين
تجديد باقة النت
فاتورة الكهربا والغاز والمياه
لحمة فراخ سمك
جبن عيش سندوتشات للمدرسة
مصاريف يومية للمدارس
😭😭😭أكمل ولا تكملوا إنتوا
حقيقى كان الله فى عون كل أب وام الأيام دى
— alaamostafa (@_a2a2) September 14, 2022
