وسط غضب شديد في الأسواق انعكس على مواقع التواصل الاجتماعي تصدر هاشتاج #كيلو_الطماطم موقع "تويتر"، بعد ارتفاع أسعار السلع الغذائية بشكل غير مسبوق، حيث تراوح سعر كيلو الطماطم بين 10 و20 جنيها، وكيلو الباذنجان بين 12 و17 جنيها، وتخطى كيلو الفلفل 23 جنيها، أما كيلو ورق العنب فتراوح بين 50 جنيه في أسواق الأرياف و100 جنيه في أسواق القاهرة والمدن الجديدة.
وقالت سمر الحج @deme_same9 "كيلو الطماطم بـ 15 جنيه.. حاول بقي تحسب لو موظف عادي مطالب يعمل وجبه واحده حتي يوميا لاطفاله المفروض يعمل ايه ..هتعيط ونفسك تتسد وتدعي في رمضان علي المتسبب في البهدلة دي للناس وهو سارقهم اصلا".
وكتب محمد @mfr679 "أحلي حاجه في كيلو الطماطم أبو 20 جنيه .. أن الناس كلها بتدعي على ياسر جلال ..أبسط يا عم ياسر اسمك بقي في دعوات المصريين ليل ونهار وفي الأيام المفترجة دي.. ربنا يجعلها من حدك ومن نصيبك انت والبلح".
كيلو الطماطم ب 20 جنيه، محدش شاف بتاع قرض صندوق النقد الدولي وتعويم الجنيه pic.twitter.com/jWLOpfhYOc
— المحاسب / هاني ابراهيم (@ibrahimhani007) April 5, 2022
وعلق محمد صلاح @mhmdsla30558382 "انت متخيل.. إننا ف شهر الخير واليمن والبركات… سعر كيلو الطماطم وصل 20ج مصرى.. تخيلت إنها عدت سعر الدولار.. احنا بنحارب الدولار بالطماطم….. الرحمة من عندك يارب".
حد يقول للسيسي إن كيلو الطماطم فى الأسواق المصرية النهارده ب ٢٠ جنيه والخيار ١٥ جنيه والفلفل ٢٥ جنيه والبتنجان ب ١٥ جنيه والبطاطس ١٠ جنيه والزيت الكيلو ب ٣٥ جنيه ياترى الناس تشتري ولا لا ولو لا ايه البديل علشان الناس تعرف تاكل pic.twitter.com/1TFbz9oqU9
— 👑برستيچ ملك👑 (@the_king5500) April 5, 2022
وكتب زين @ZinAbaza، "كيلو الطماطم بدولار! و الفسدق أغلى من الدهب! و البسطرمة أغلى من اللحمة وأنا بفكر اتجوز !!!!".
واعتبر سلامة أن الخطط موضوعة بالاستروبيا (عامية تدل على اللاجدوى) عبر @FattahFattahh وقال: "كيلو الطماطم بـ 25 جنيه -والطماطم المفعصة بـ 20 جنية .. ليه؟.. علشان الإدارة بأسلوب الاوستروبيا .. يعنى المفروض فيه خطط إن 100 ألف فدان مزروعة طماطم على مدى الـ 12 شهر وتعمل إمداد للأسواق والمستهلكين .. إنما بالاستروبيا – واحنا مالنا يا حاج .. اللي يزرع يزرع واللي ما يزرعش ما يزرعش.. استروبيا".
واستعرضت ندى مصطفى عبر @realNadaMostafa اسعار مجموعة من السلع فقالت :
أي حد شايف إن سعر كيلو الطماطم أبو 20 جنيه غالي
والخيار 15 جنيه
والفلفل 25 جنيه
والبتنجان 15 جنيه
والبطاطس 10 جنيه
والزيت اللتر 3 جنيه
والفراخ البانيه 120 جنيه
والفرخة كاملة 130 جنيه
يتابع النهاردة بالليل مسلسل الاختيار 3 وهيلاقي الحل بإذن الله.
وساخرة أضافت ندى هاشتاج (#تسلم_الأيادي).
